Arber Çela, kryetari i Gjykatës së Shkodrës në datën 7 dhjetor do njihet me verdiktin përfundimtar të Komisionit të Pavarur të Kualifikimit (KPK Vetting).
Deduksionet dhe indiciet e krijuara në seancën gjyqësore flasim për një shkakrkim të mundshëm të Arbër Çelës, për shkak të problemeve të tij me pasurinë në blerjen e një apartamenti dhe një automjeti.
Njëherësh janë ngritur dyshime dhe nga informacionet e mbledhura nga institucionet inteligjence për papërshtashmërisë së tij në rradhët e drejtësisë Shqiptare.
Manovrat e krijuara për vënien e pasurisë nga ana e Kryetarit të Gjykatës së Shkodrës, duket se do shërbejnë si shkallë kryesore për rrëzimin e tij në “Vetting”.
Arbër Çela, është vëllai i Arens Çelës, kryeprokurorit të Tiranës, i cili ka një lidhje shumë të afërt me kryeprokurorin e Përgjithshëm, Olsian Çelaj.
Fakti që Arbër Çela është pjesë e këtij tarafi pranë Prokurorisë së Përgjithshme, ka shtuar zërat për një lobim të mundshëm të kanaleve të Prokurorisë së Përgjithme në hemisferat e Vettingut, me qëllim kalimin pa problem të Çelë.
Njëherësh Arbër Çela rezulton të jetë nipi Maksim Çelës, njërit prej anëtarëve të bandës famëkeqe të Lushnjës i dënuar nga Gjykata e Krimeve të Rënda me 25 vite burgim.
Por këtë gjetje që DSIK ia ka çuar Vettingut, Arbër Çela, e ka justifikuar me faktin se gjatë kohës kur xhaxhai i tij, ka qënë në aktivitet kriminal dhe ka pasur probleme me Drejtësinë, ai ka qënë vetëm 16-vjeç dhe nuk ka pasur kontakt me të.
Por problemet që u hasën për Çelën në seancën e 2 dhjetorit, tronditën pozicionin e tij, duke mos e bërë shumë të lehtë kalimin në Vetting, të Kryetarit të Gjykatës së Shkodrës.
Veç “turbulencave” në kriterin e pasurisë dhe atë të figurës, mjaft denoncime kishin mbëritur në “Vetting” për Arbër Çelën, ku pasqyronin episode dhe fragmente të shkeljes së ligjit procedurial penal në çështjet penale që flisnin për vrasje të bujshme në Shkodër dhe çështjen e pronave në zonën e Velipojës.
Mes disa prej ankimeve të relatuara në seancën dëgjimore, Arbër Çela u njoh dhe me rastin e marjes së një prone në zonën e Velipojës në Shkodër, të cilën tashmë e administron me letra biznesmeni Pëllumb Gjoka.
Sipas ankimit, Arbër Çela, nga gjyqtar u kthye në “ushtar” i biznesmenit Pëllumb Gjoka, duke vendosur të pushojë hetimet për vjedhjen e një pasurie prej 390 dynyn tokë rranishte.
Gjyqtari Arbër Çela, ka vendosur pak ditë para se të ballafaqohej me “Vettingun” pushimin e hetimit për arsye se ka vlerësuar se veprat e “mashtrimit” dhe “pastrimit të produkteve” nuk qendrojnë.
Por në mënyrë të kundraligjshme, Arbër Çela nuk është shprehur për provat materiale dhe këtë gjë nuk e ka bërë as prokuroria në kërkesën e saj dhe as gjykata në vemdimin e saj.
Vetë Prokuroria, gjatë hetimit të kryera ka pranuar dhe ka konstatuar se dukumentat e përfitimit të tokës në Velipojë, janë të falsifikuara, por pushohet çështja për efekt të parashkrimit të ndiekjes të veprës penale.
Por çuditërisht si për gjyqtarin Arbër Çela dhe prokuroren Françeska Lekani, nuk është marë asnjë vendim për asgjësimin dhe papërdorshëmrinë e dokumentave të falsifikuara.
Po kanë shpikur një mënyrë të re të fitimit te pronësisë “fitimi i pronësisë me anë të dokumentave të falsifikuara”, pasuri kjo që tashmë gëzohet nga biznesmeni Pëllumb Gjoka.
Aq më tepër që edhe pse është provuar se palët kallëzuese kanë qënë të dëmtuara, me vendimin e pak ditëve më parë, gjyqjtari I Shkodrës Arbër Çela,i ka hequr të drejtën e ankimimit palës kallëzuese.
Discussion about this post