Kombëtarja shqiptare do të zbresë në fushë më 3 qershor për të zhvilluar ndeshjen miqësore ndaj Izraelit, takim që do të luhet në stadiumin “Air Albania” duke nisur nga ora 20:00.
Ndërkohë, UEFA ka bërë publik edhe ekipin e arbitrave që do të drejtojë këtë përballje. Drejtësia në fushë i është besuar një skuadre arbitrash nga Mali i Zi, me Milosh Savoviçin në rolin e arbitrit kryesor.
44-vjeçari do të asistohet nga bashkëkombasit e tij Marko Gojkoviç dhe Vladislav Radenoviç, ndërsa arbitër i katërt për këtë takim është caktuar shqiptari Juxhin Xhaja.
Shqipëria dhe Izraeli rikthehen kështu përballë njëri-tjetrit pas sfidës së Nations League në vitin 2022, ku izraelitët fituan 2-1 në Tel Aviv. Në atë takim, goli i vetëm për kuqezinjtë u realizua nga Myrto Uzuni në minutën e 88-të.
Discussion about this post