U desh që të vidhej dy herë Italia që UEFA “të zinte mend” e të bënte prapakthehu, në lidhje me përdorimin e teknologjisë (ose në këtë rast, mos-përdorimin)
Italia U21 humbi në ndeshjen e parë të Europianit për këtë grupmoshë, duke u mundur nga Franca U21 me rezultatin 2-1. Italia në fakt arriti të shënonte golin e barazimit dhe nga pamjet filmike dukej qartë që topi kishte kaluar vijën fatale por arbitri nuk e konsideroi gol dhe la në fuqi rezultatin 2-1.
Në një tjetër rast, gjatë ndeshjes, Italisë iu mohua një penallti e dukshme, duke bërë që “axurrët” të ankoheshin publikisht për arbitrimin.
Kjo ka bërë që UEFA të marrë një vendim të rëndësishëm. Duke nisur nga ndeshjet çerekfinale, do të ketë sistem VAR dhe diçka e tillë është vendosur ditën e sotme.
Duke qenë se ndeshjet janë me një takim të vetëm, një gabim mund të ndryshojë fatet e skuadrave dhe për këtë UEFA ka menduar që të shmangen duke vënë sistemin VAR.
Fillimisht, ishte menduar që Europiani i kësaj grupmoshe të bëhej pa VAR dhe për herë të parë në histori, VAR-i do të jetë aty.
Discussion about this post