Ardi Veliu, i cili prej 1 viti drejtonte Agjencinë e Mbikqyrjes Policore, i ka paraqitur ministrit të Brendshëm, Taulant Balla dorëheqjen.
Nga raportimet mësohet se Veliu ka zgjedhur të dorëhiqet dhe jo të shkarkohet si drejtor i AMP-së.
Sipas raportimeve, nga momenti që Taulant Balla ka marrë detyrën e ministrit të Brendshëm është përfolur një shkarkim i Ardi Veliut nga posti i drejtorit të AMP-së, për shkak të përplasjes mes klaneve në Partinë Socialiste.
Por Veliu, në një reagim po për mediat, mohon se ka dhënë dorëheqjen.
Veliu ka mbajtur më parë detyrën e Drejtorit të Përgjithshëm të Policisë së Shtetit, teksa u dorëhoq me një letër që më pas u kthye si meme në rrjetet sociale.
Pak muaj pas dorëheqjes, Edi Rama e emëroi veliun si zv.ministër të Infrastrukturës, për t’u rikthyer më pas në strukturat e Policisë, por në funksionin e drejtorit të AMP.
Discussion about this post