Argita Malltezi (Berisha), vajza e ish-Kryeministrit Sali Berisha, dhe bashkëshortja e Jamarbër Malltezit, tha mbrëmjen e sotme në “Top Story” se procesi per privatizimin e kompleksit Partizani ka nisur që nga Qeveria Nano.
Ajo përmendi një seri shkresash të ish-ministrave socialistë lidhur me këtë çështje, ndërsa tha se në qeverinë e PD-së, ministri i Mbrojtjes së asaj periudhe, Fatmir Mediu, përmes një shkrese i drejtohet Ministrisë së Ekonomisë, në kthim përgjigje, ku shprehet dakort me privatizimin.
Argita Malltezi tha se të gjitha shkresat janë depozituar në SPAK, por kjo strukturë, sipas saj, shërben si kamzhik i Edi Ramës, duke theksuar se është një strukturë e deformuar, që nuk pasyron çështjen sikundër është.
“Jamarbër Malltezin e arrestuan me shoë, për ti mbushur mendjen njerëzve që ka ndodhur diçka, që i arrestuari ka bërë një gjë”, tha Argita Malltezi (Berisha). Ajo u shpreh se të krahasosh atë periudhë me mënyrën se si është sjellë qeveria Rama, është e paimagjinueshme.
“Ishin 42 familje që kishin zaptuar godinat e ish-kompleksit Partizani. Asnjë prej tyre nuk u hodh në rrugë, përkundrazi u kompensuan me banesa (në total 2500 m2). Tani bëni një krahasim, shikoni se çfarë ndodhi në Astir apo në zona të tjera në qeverisjen e Edi Ramës. Pronarët e truallit aty e kishin të gjithë të drejtën të thonin: na i largoni këto që këto, por jo, atyre iu dhanë shtëpi. Nuk u përdor pushteti i Sali Berishës ndaj tyre”, tha Argita Malltezi.
Ajo tha se Sali Berisha nuk ka influencuar në kthimin e pronës dhe as në skemën e përhapjes, pasi gjithçka nisi në 2003-it. Argita Malltezi tha se GJKKO me vendimin e saj ka fshehur dokumente dhe ky është një skandal. Ajo tha se nuk arrinte të kuptonte se si një jurist të manipulonte ligjin në mënyrën sikundër ka ndodhur deri më sot.
“Arsyeja që nuk është bërë më parë kallëzimi është se e konsiderojmë të drejtën e prokurorisë për të hetuar për çdo lloj çështje në çdo periudhë kohore. Kur u bënë tre vite ishte e qartë se dosja nisi të përdorej politikisht se asgjë e re nuk po ndodhte më. Për këtë arsye dorëzuam një kallëzim penal ndaj Taulant Ballës për kallëzim të rremë. Ai dinte që ishin të rreme, kryesorja është çështja e origjinës së pronës, ai doli para mediave që prona është shpronësuar nga italianët në vitin 1940, është gënjeshtër, SPAK u bë altoparlant i sulmeve të Edi Ramës. A kishte mudësi SPAK ta verifikonte këtë? Absolutisht!
Ajo letër e arkivit të shtetit që përmendet në dosje përmend një nga trashëgimtarët e familjeve të shpronësuara, toka e tyre është larg, familjarët kanë dokumente zyrtare që tregojnë se janë pronarë të ’43, ‘46 janë shpronësuar nga komunistët. Kur dokumenti është i 46-ës që tregon se janë pronarë, do të thotë se nuk janë shpronësuar në ’40-ën. E nisën në bazë të kësaj, SPAK nuk është drejtësi, por sulm kamxhik politik. Nuk e kemi marrë dosjen e Taulant Ballës, nuk kemi marrë asgjë veç vendimit, është kërkuar zyrtarisht, nuk mohohet, por ne na kalon afati i apelimit. Ne kemi bërë apelin për të mos humbur procedurat, në lidhje me atë që më pyetët, nuk kemi probleme me hetimin, Jamarbër ka ngritur padi civile ndaj mediave ka bërë prononcime në Facebook, është çështje sulmi politik”, tha ajo.
Discussion about this post