Trajneri i Argjentinës, Lionel Skaloni, ka bërë sot publike listën e 26 emrave të grumbulluar për pjesëmarrjen në Botërorin 2022.
Një listë ku nuk ka paru shumë surpriza, pasi tekniku kishte vendosur që t’u besonte kryesisht lojtarëve me të cilët fitoi Kupën e Amerikës në verën e kaluar.
Sipas mediave argjentinase, trajneri kishte lajmëruar personalisht 22 lojtarë dhe vetëm gjatë 24 orëve të fundit kishte diskutuar dhe kishte zgjedhur katër emrat që mbeteshin, mes të cilëve ishte ai i Paulo Dibala, në formë jo edhe aq të mirë pas dëmtimit që pësoi te Roma.
Pikërisht Dibala, Hoakin Korrea, Huan Fojth dhe Ezekuiel Palacios ishin 4 emrat që mësohet se i janë bashkuar 22-shes që Sakaloni kishte njoftuar me kohë, duke i paralajmëruar që të shmangnin dëmtime në ndeshjet e fundit.
LISTA
PORTIERË: Emiliano Martínez, Franko Armani, Geronimo Rulli
MBROJTËS: Gonzalo Montiel, Nahuel Molina, German Pecela, Kristian Romero, Nikolas Otamendi, Lisandro Martínez, Markos Akunja, Nikolas Taljafiko, Huan Fojth
MESFUSHORË: Leandro Paredes, Rodrigo De Paul, Alehandro Gomez, Guido Rodríguez, Enzo Fernandez, Aleksis Mak Alister, Ezequiel Palacios
SULMUES: Lionel Mesi, Lautaro Martínez, Angel Di María, Julian Alvarez, Nikolas González, Hoakin Korrea, Paulo Dibala
Discussion about this post