Lionel Messi pritet të përjetojë një tjetër moment të veçantë në karrierën e tij të jashtëzakonshme, teksa Argjentina do të përballet nesër me Anglinë në gjysmëfinalen e Kupës së Botës 2026.
Edhe pse ka luajtur në pesë edicione të Botërorit dhe ka fituar trofeun më të madh të futbollit, 39-vjeçari nuk është ndeshur kurrë me Anglinë në një Kupë Bote.
Pikërisht kjo e bën sfidën e së mërkurës edhe më të veçantë për kapitenin e “La Albiceleste”.
“Do të jetë një ndeshje e veçantë, sepse nuk kam luajtur kurrë kundër Anglisë. Ata janë një ekip i shkëlqyer, një nga fuqitë e futbollit botëror dhe është gjithmonë kënaqësi të përballesh me skuadra të tilla. Është një sfidë që premton spektakël, sidomos në një gjysmëfinale të Kupës së Botës”, u shpreh Messi.
Argjentina synon një tjetër finale botërore, ndërsa Messi do të kërkojë të udhëheqë kampionët në fuqi drejt një suksesi tjetër në atë që mund të jetë një nga ndeshjet më të rëndësishme të karrierës së tij.
Discussion about this post