Një Argjentinë spektakolare është parë sot në fushë, me yllin e ekipit, Lionel Messin, që dha shumë kontribut në përballjen me Kroacinë.
Ishte Kroacia që e nisi me sulme sporadike, por më pas Argjentina tregoi fytyrën e saj të vërtetë.
Ekipi amerikano-jugor fitoi penallti, ku Messi gjuajti fort, duke kaluar në avantazh të tijët.
Alvarez realizoi golin e dytë, pas një topi që depërtoi mes për mes mbrojtjes kroate.
Kur pritej që në pjesën e dytë Kroacia të reagonte, Alvarez realizoi sërish, duke vulosur rezultatin final 3:0 për Argjentinën.
Tashmë, Argjentina do të presë në finale fituesen e gjysmëfinales së nesërme, mes Francës e Marokut.
Discussion about this post