Antonela Berisha dhe Big Mama kanë pasur sërish një debat të fortë në Post “Big Brother VIP”. Në lidhje me fjalët e thëna nga këngëtarja drejt ish-konkurrentes së “Për’Puthen” ka reaguar ashpër mamaja e kësaj të fundit.
Ajo ka postuar në një story në profilin e saj në Instagram, një video të Big Mamës me Arian Çanin, ku moderatori mundohet t’i zbërthejë zinxhirin këngëtares gjatë emisionit “Zonë e Lirë”.
Bashkëngjitur me videon mamaja e Antonela Berishës, Donika Marashi, shkruan: “Kjo është fytyra jote femër e ulët. Mundohesh kot më kot ti bësh shoqe vetes për keq por s’ke shans. Vetëm femër nuk je. Më kërkove falje publikisht dhe e bëre përsëri. Tani do të njohësh kush është vërtet mamaja e Antonelës.”
Kujtojmë se shkak i debatit është bërë një përplasje mes tyre disa muaj më parë, ku ende ishin banore në BBV. Duke diskutuar për situatën, ish-konkurrentja e “Për’puthen” tha se është keqinterpretuar deklarata e saj dhe është shfrytëzuar nga Big Mama.
Ndërkohë, Antonela nga ana tjetër e akuzoi se e shfrytëzoi situatën për të dalë nga shtëpia sepse kishte angazhime muzikore.
Në debatin e parë që patën brenda shtëpisë së BBVIP, Big Mama doli nga shtëpia pasi Antonela tha se e kishte sharë në serbisht. Aty Big Mama shpërtheu në ofendime të rënda dhe mori menjëherë vendimin për të lënë menjëherë lojën.
Big Mama: Kur të kam sharë serbisht?
Antonela: Disa herë.E ke shfrytëzuar më së miri, ke dashur të dilte atë natë sepse ke pasur koncerte dhe gjete mënyrën më të mirë me e shfrytëzuar. Doje të dilte atë natë.
Big Mama: Ti bëre një akuzë ndaj meje dhe u mundove të më prekësh në pikën më të dobët për të më ulur.
Antonela: Që ditën e parë ka ardhur me sulme ndaj meje. Më thoshte shyqyr që erdha se mezor po prisja që t’i fusja dy shpulla. Nuk më duket një mënyrë elegante e një femre për tiu drejtuar një vajze më të re, kushdo që të jem unë, edhe nëse jam askushi.
Big Mama: Mashtruese je ti, skuthe! Iu qëndroj të gjithë fjalëve që kam thënë për ty.
Discussion about this post