Gazetari Arian Çani tha mbrëmjen e sotme se ka një super kurth që Kryeministri Edi Rama ia ka ngritur kreut demokrat, Sali Berisha.
Ndërsa debatonte me Ylli Manjanin, i cili thoshte se qëndrimet e Edi Ramës janë për shkak të problemeve psiqike, Çani insistonte se pas kryeministrit që nuk lëshon asgjë, fshihen arsye krejtësisht politike.
“Rama është në kalkulim total. Berisha duhet mbajtur në këtë kuadër deri në vitin 2025 dhe Rama do ju thotë ndërkombëtarëve që këto po i bën një non grata. Duhen legjitimuar 100 e ca deputetë që do të marrë në 2025-sën. Fakti që ai nuk lëshon pe dhe nuk jep asgjë, ai përfiton nga kjo gjë. Në sytë e ndërkombëtarëve kush po e thyen parlamentin? Non grata, jo Berisha. Është një super kurth dhe këtu do jemi, janë të regjistruara këto gjëra dhe do i shikoni këto”, u shpreh Çani.
Në emisionin “Now”, Çani tha se arsyeja pse opozita bën aksion në Parlament është se nuk mbledh dot popullin në protesta. Sipas tij, opozita duhet të radikalizojë veprimet e veta në Parlament deri në dhunë fizike për të arritur atë që kërkon.
“Fakti që nuk e bëjnë, ose kanë frikë ose nuk u ka vajtur thika në palcë. Unë mendoj se liria fitohet me luftë jo me fjalë, janë ende larg reagimit të dikujt që është në cep. Kjo që po bëjnë nuk është ide e keqe se e shqetëson mazhorancën, por ndoshta mos fsheh kjo një dobësi, për shkak se nuk arrijnë të mbledhin popullin opozitar në rrugë janë duke e bërë vetë detyrën. Mendoj se nuk po iu ecën mbështetja e popullit”, tha Çani.
Discussion about this post