Gazetari Arian Çani, në një intervistë për emisionin “Now” në Euronews Albania, foli për masën e sigurisë ndaj Sali Berishës, pas heqjes së imunitetit nga Kuvendi.
Ai theksoi se nëse Sali Berisha zgjedhë që të bëjë arrestin në selinë e PD-së, policia duhet të rrethojë godinën, pasi nuk i lejohet që të takojë njeri.
“Le të supozojmë që Berisha do të pranojë të shkojë në PD te zyra e tij, do të vërë një krevat atje dhe do të rri atje. I bie që të rrethohet e gjithë godina. A është ky plani i Berishës? Berisha ka thënë se nuk ka shtëpi të veten, jetoj në shtëpinë e vajzës. Policia me të drejtë duhet të rrethojë godinën sepse nuk lejohet. Ka shumë të arrestuar në shtëpi që nuk i ruan policia”-tha ai.
Discussion about this post