Një aksident i frikshëm ndodhi ditën e djeshme në “Rrugën e Kavajës” ku mbetën të plagosur një familje. Arjan Konomi, i cili u përplas nga 39-vjeçari Ajas Sulejmani një ditë më parë, teksa po kalonte me bashkëshorten dhe foshnjën e tyre 3 muajshe, mësohet se është drejtor në departament e Sportit në Ministrinë e Arsimit. Ndërsa Vilma Konomi, bashkëshortja e tij është mjeke pediatre në Kombinat.
Sulejmani i cili ishte nën efektin e drogës në momentin që ka përplasur çiftin me foshnjën 3 muajshe.
Në foton e mëposhtme shfaqen çifti Konomi, të cilët pozojnë ndërsa në karrocë kanë foshenjën 3-muajshme. Ka qenë kushëriri i Arjan Konomit, ai që ka publikuar foton në profilin e tij në rrjetet sociale duke shkruar se kjo ngjarje e rëndë duhet të shërbejë për ndërgjegjësim.
“Një familje si duhet të jenë gjithë familjet shqiptare në punë të vetë dhe me gëzimin e jetës së tyre vajzën vetëm 3 muajshe, Arjani kushëriri im që pësoi një aksident të tmerrshëm. Lutemi për të dhe Vilmën të rikuperohen shpejt. Duhet të ndërgjegjësohemi, një ditë do na vijë radha”, shkruan ai në Instagram.
Kujtojmë që aksidenti ka tronditur të gjithë qytetarët ndërkaq dy prindërit e foshnjës 3 muajshe ndodhen në spital, ndërsa foshnja shpëtoi mrekullisht pas veprimit heroik që bëri nëna, duke e shtyrë me shpejtësi karrocën e fëmijës.
Discussion about this post