Arjola dhe Iliri gjatë rrugëtimit të tyre në “Big Brother Vip” krijuan një miqësi shumë të afërt me njëri-tjetrin. Madje, edhe pas eliminimit nga loja, aktorja po e tregon hapur mbështetjen e saj për balerinin dhe koreografin.
Në një postim në Instastory ajo ka ndarë një foto të Ilir Shaqirit, i cili mban ne dorë foton e saj.
“Shpirti i motrës”, ka shkruar ish-banorja bashkëngjitur me foton. Por ajo që ka marrë vëmendje është fakti se Demiri i ka bërë tag edhe bashkëshortes së Ilir Shaqirit duke e shoqëruar me një emoji të një kurore. Nga ana tjetër ka reaguar edhe Emanuela Morini, e cila thjesht e ka ripostuar foton pa vënë ndonjë mbishkrim.
Kujtojmë që kur ishte brenda shtëpisë gjatë një prove javore Iliri dhe Arjola ishin bashkë në grup dhe do të duhet të imitonin një pjesë nga filmi i vjetër “Edhe kështu edhe ashtu”.
Jo vetëm që pranuan me kënaqësi për të luajtur atë rol, por nuk nguruan të shkëmbenin dhe puthje në buzë të shoqëruar me përqafime. Në lidhje me gjithë këtë “skenë” reagoi dhe bashkëshortja e balerinit e cila dha opinionin e saj në lidhje me puthjen e partnerit të saj. Ajo tregoi se e kishte marrë me shumë pozitivitet dhe qetësi këtë gjë sepse ishte vetëm një lojë që zgjati vetëm pak .
“E pashë, më pëlqeu për mënyrën se si ato lozën, shumë kam parë nëpër rrjete sociale se si u puth se si u bë. Ishte rol dhe njerëzit duhet ta marrin me më sportivitet pjesën e roleve që bëjnë aktrim është puthje për momentin. Kam parë edhe një koment të një blogeri se di nëse mund ta them emrin Olti Curri, që kush do vijë tani që u puth me Arjolën. Nuk besoj të vijë njeri ose të ndodhi ndonjë gjë sepse ishte vetëm një aktrim”, deklaroi ajo.
Discussion about this post