Arjola ka qenë shumë vokale me historitë personale dhe gjërat që i është dashur të kalojë gjatë marrëdhënies së saj, para se të ndahej.
Epo duket se rrëfimet e saj nuk mbarojnë këtu. Aktorja, gjatë një bisede me Semi Japuaj, tregon disa detaje të tjera nga momenti i largimit nga strehëza familjare që kishte ndërtuar me bashkëshortin e saj.
Arjola thotë që iku pa i treguar askujt se ku ndodhej. Madje ajo shprehet që më përpara kishte tentuar ndarjen duke u shpërngulur tek tezja, por burri i mori fëmijët duke detyruar aktoren të kthehej mbrapsht përsëri.
‘’Ika dhe nuk i tregova askujt se ku isha. E kisha tentuar edhe njëherë ndarjen dhe u shpërngula tek tezja por burri u rikthye dhe më mori fëmijët kështu që u detyrova të kthehesha. Këtë herë vendosa që të zgjidhja veten edhe pse mund të dukej egoiste. Edhe sikur të ma shtronte rrugën me florinj nuk do të mund të ndryshoja mendim’’ – tha ajo.
Arjola tregoi se gjatë një viti ndihej totalisht e pafuqishme dhe në udhëkryq pasi gjatë martesës nuk kishte mundur të siguronte as një stabilitet financiar apo profesional.
Rikujtojmë se artistja ka thënë se e ka falur për gjashtë vite tradhtinë e ish-bashkëshortit, por erdhi një moment që nuk duronte më dhe u largua nga shtëpia së bashku me fëmijët. Ajo gjithashtu është ndalur tek momenti i divorcit dhe sakrificat që i është dashur të bëjë për të fituar kujdestarinë e fëmijëve të saj.
“Kam 3 vite që jam në gjyq, donin të m’i ndanin fëmijët. I thash ose me mua ose me atë, fëmijët nuk pranoj t’i ndaj”,- tha ajo.
Gjithashtu ajo shtoi se me babin e fëmijëve të saj nuk ruan më asnjë komunikim, pavarësisht se fëmijët janë në kontakt të vazhdueshëm.
Discussion about this post