Gjatë rrugëtimit në “Big Brother Vip” aktorja e njohur Arjola Demiri ka folur për dëshirat e saj më të mëdha, ku ka veçuar dy prej tyre: të pasurit një shtëpi për fëmijët e saj (kjo iu mundësua nga produksioni duke marr një shtëpi te Kodrat e Diell), si dhe të drejtonte programin e humorit “Portokalli”.
Që nga ajo ditë të shumtë ishin ata që flisnin se në fakt produksioni po e mendonte kalimin e Arjolës si moderatore në krah të Salsanos.
Për pak javë nis sezoni i ardhshëm i ‘Portokallisë’. Ndërkaq rikthimi i Xhemit në Top Channel, hodhi të tjera dyshime se moderatorja do të kthehej në drejtimin e ‘Portokallisë’. Me këto thashetheme, mbetej i paqartë pozicioni i Fjoralba Ponarit në këtë format. Por tashmë që është publikuar edhe promoja, vetë aktorët kanë zbuluar se Fjoralba do të jetë përkrah Salsanos në drejtim.
“Këtë sezon do kemi fatin të ndjejmë magjinë e publikut më në fund”. “Portokalli” do të rinisë me datë 6 mars, sërish nën prezantimin e Fjoralba Ponarit” ka shkruar aktori Rezart Veleshnja në rrjetet sociale, duke konfirmuar kështu lajmin.
Mesa duket Arjolës as për këtë sezon nuk do t’i plotësohet ëndrra e saj më e madhe. Ndërkaq Xhemi është rikthyer në Top, por një tjetër format, larg skenës së ‘Portokallisë”
Discussion about this post