Arkiva Kombëtare në SHBA (NARA) e ka pranuar se ka më shumë se 5400 dokumente, mes tyre emaile, regjistrime dhe të dhëna të tjera, që tregojnë presidentin Joe Biden duke përdorur pseudonime gjatë kohës kur ishte zëvendëspresident.
Sipas NY Post, reagimi i Arkivës Kombëtare erdhi pas një kërkese zyrtare nga një grup juristësh.
Juristët kërkuan që të mësonin se çfarë dokumentesh me emrat Robin Ware, Robert L. Peters apo JRB Ware gjenden në arkivë. Këto janë pseudonimet që përdorte 80-vjeçari gjatë kohës kur ishte zëvendëspresident në administratën e Barack Obamës.
Gazeta amerikane shkruan se ka dyshime se pseudonimet janë përdorur nga Biden gjatë komunikimeve për çështje biznesi me të birin, Hunter Biden.
Presidenti amerikan është në qendër të një skandali, pasi mendohet se ka përdorur postin për të ndihmuar në marrëveshjet e dyshimta të biznesit të të birit.
Një komision i posaçëm hetimor i Kongresit amerikan pritet të kërkojë këto të dhëna të Arkivës Kombëtare për hetimin që po kryejnë që po bëjnë ndaj presidentit amerikan.
Discussion about this post