Trajneri i Empolit Aurelio Andreazzoli ka folur me fjalë të mëdha për lojtarin e Kombëtares shqiptare, Nedim Bajramin.
Bajrami ishte protagonist i një goli dhe i një asisti në fitoren 3-1 të skuadrës së tij ndaj Udineses, në takimin e vlefshëm për raundin e 16 të Seria A.
Duke folur pas kësaj sfide, tekniku i Empolit theksoi se
“Ne jemi të bindur se kemi energji për t’i rregulluar gjërat. Nuk është rastësi, reagimi ynë ishte jo vetëm i cilësisë së mirë. Loja jonë kishte shumë gjëra. Trajneri dhe klubi në të njëjtën kohë kanë një pjesë të mirë në të, por më pas gjithçka varet nga lojtari. Mendoj se është e drejtë që edhe rezultatet të vijnë në fund. Bajrami? Të gjithë prisnim që ta shihnim sërish në këto kushte. Do të jetë një armë më shumë për ne”,- ka thënë Andreazzoli.
Shqiptari shënoi në minutën e 59 të takimit duke kaluar ekipin e tij në avantazh, ndërsa në të 78 i dha asist Pinamontit, që fiksoi më pas fitoren 3-1. Ky është një rikthim i talentit ‘Kuqezi’, që në fillim të sezonit ishte imazhi i Seria A./K.T/Gijotina.com
Discussion about this post