Bindja se gjithçka do të shkojë mirë në këtë event të madh që do të ndodhë në Tiranë mbrëmjen e nesërme, kryetarit të FSHF-së i vjen nga përkushtimi i të gjitha institucioneve shtetërore. Ai tha se të gjithë janë disponibël në mbarëvajtjen e kësaj ngjarjeje duke filluar nga Rama e tek të gjithë ministrat. Duka shtoi se “Turn Over” i gjithë aktivitetit llogaritet 140 milion euro.
“Që do ketë shumë tifozë kjo është e sigurtë, ajo që unë kam bindjen që më bën të sigurt që nuk do të ndodhë asgjë dhe do të shkojë mirë, është përkushtimi i të gjithë institucioneve që nga kryeministri. Nëse ne do i kërkojmë diçka është disponibël. Edhe ministrat, Ministria e Financave është e përfshirë, të gjithë kanë qenë të gatshëm. Ky nuk është një vent që ka një mbiemër individual ka mbiemrin Shqipëria. “Turn Over” i gjithë aktivitetit llogaritet 140 milion euro e duket pak si shumë por vetëm çmimi i hotelit vetëm për një natë është 30 milion euro. Benefit ii rëndësishëm është që të gjithë njerëzit që vijnë fizikisht në Tiranë janë kandidat potencial për të qenë turistë. Secili nga ne duhet të jetë i kujdesshëm. Loja i ka rrisqet dhe emocionet kanë filluar ditë më parë jo më ditën e ndeshjes. Kur e teprojmë me pijen e harrojmë rëndësinë e ligjit. Policia i ka marrë masat për të qenë në respekt të ligjit dhe të drejtave të qytetarëve. Nëpërmjet një marrëveshje do të kemi një numër policësh holandezë dhe italianë që e njohin më mirë njëri tjetrin. Nëse do të ketë shkelje të rënda do veprohet me ligjin shqiptarë.”- tha Duka.
Discussion about this post