Armand Duka shënoi një tjetër arritje madhështore në karrierën e tij drejtuese në futboll, teksa u zgjodh zv. President i UEFA-s. Natyrisht një arritje madhështore, jo vetëm për Dukën, por edhe për futbollin shqiptar e më gjerë, shoqërinë, që ka zërin e saj të fortë vendimmarrës në një organ të rëndësishëm europian, siç është qeveria e futbollit.
Zgjedhja e Dukës zv.president u pasua me urime të shumta, nga klubet shqiptare të Superligës dhe jo vetëm, por edhe personalitete të tjera të futbollit e jetës politike në vend.
Gjithashtu lajmi u trajtua edhe në mediat fqinje, teksa media më e madhe në Greqi, Gazzeta.gr, e ka përshkruar në këtë mënyrë: Një moment historik për futbollin në Shqipërisë, Duka është zëvendës president në UEFA. Futbolli shqiptar hap një faqe të re me këtë zgjedhje, duke qenë numri dy në UEFA.
Nga krahu tjetër “Klix.ba” në Bosnje shkruan: ‘Presidenti i Federatës së Futbollit të Shqipërisë, Armand Duka, ka marrë një besim të madh nga shtëpia ombrellë e futbollit europian për shkak se është zgjedhur nënkryetar i UEFA-s. Shqipëria ka sot njeriun e dytë të futbollit europian. Duka është zgjedhur nënkryetar i UEFA-s dhe do të jetë “dora e djathtë” e Aleksandër Çeferinit.
Kështu, UEFA i besoi shumë Dukës dhe njëkohësisht ai u bë njeriu i parë nga Shqipëria që mban një post kaq të rëndësishëm. UEFA u orientua nga fakti se Duka është përfshirë prej kohësh në ngjarjet në futbollin europian dhe ka shumë përvojë në menaxhimin e futbollit në Europë”, shkruan media boshnjake.
Discussion about this post