Armando Broja tashmë është kthyer në dëshirën e skuadrave të mëdha europiane, pas paraqitjeve të sulmuesit shqiptar në Premier League me fanellën e Southampton.
E ardhmja e tij mbetet e paqartë, pasi Southampton kërkon ta mbajë edhe për një sezon të huazuar, nga krahu tjetër Chelsea që zotëron kartonin e tij e shikon pjesë të ekipit për sezonin e ri.
Napoli është “dashuruar” me “shqiponjën” kuqezi, pasi sipas asaj që raporton “BBC Sport”, drejtuesit italianë kërkojnë me patjetër transferimin e Brojës në “Maradona” gjatë merkatos së verës.
20-vjeçari, i cili ka shënuar 9 golave dhe regjistron 5 asistie në 36 paraqitje sezonale me “Shenjtorët”, është një nga emrat e parë për të zëvendësuar Victor Osimhen.
Ky i fundit me shumë gjasa do të kalojë në Premier League te skuadra e Manchester United, që pritet të futet fuqishëm në merkato gjatë verës.
Discussion about this post