Sulmuesi i Kombëtares shqiptare Armando Broja është rikthyer përsëri në qendër të merkatos. Italianët e Napolit janë shfaqur në skenë duke treguar interes për sulmuesin e Chelsea dhe e shohin si idealin për të qenë zëvendësuesi i Osimhen.
Edhe pse De Laurentis e mohoi, Osimhen është lidhur shumë me një largim nga Italia gjatë verës, ku Chelsea, Manchester United dhe PSG kanë shfaqur interes.
Chelsea mund të bëjë që interesimi i Napolit për Brojën të kthehet në favor të tyre, duke ditur që kartoni i Osimhen kushton mbi 100 milionë euro, anglezët do të ishin të gatshëm të ofronin kartonin e Brojës për të reduktuar pak vlerën e sulmuesit nigerian të Napolit.
Sipas gazetës “Il Matino”, Napoli është i interesuar të nënshkruajë me Armando Brojën. Pala italiane ka identifikuar sulmuesin si zëvendësuesin e mundshëm të Osimhen, nëse ky i fundit largohet.
Discussion about this post