Ministri i Brendshëm Bledi Çuçi pas mbledhjes qeveritare deklaroi se Kodi Penal për pajisjen me armë me leje do të pësojë disa ndryshime. Nga ky ndryshim ligjor do të preken jo vetëm qytetarët që duan të pajisen me armë, por edhe agjencitë private të sigurisë dhe përdoruesit e armëve të gjahut.
“Miratuam planet e veprimit për kontrollin e armëve dhe municioneve për këto dy vite. Ky plan parashikon që të parandalojë posedimin e armëve pa leje në duart e civilëve, kontrollin e trafikut të armëve dhe disiplinimin e licencimit, jo vetëm luftarake, por edhe gjahut dhe agjencive private të sigurisë.”
Çuçi njoftoi se për të mbajtur nën kontroll qarkullimin e armëve të zjarrit do të mundësohet printimi 3D i tyre. Ai theksoi se këto ndryshime po bëhen për të parandaluar mbajtjen e armëve pa leje nga qytetarët.
“Ne kemi parashikuar që të bëjmë disa ndryshime në kodin penal dhe kriminalizojmë trafikimin përmes kolive postare, apo posedimin e pajisjeve që mundësojnë printimin 3D të armëve.
Pra është një strategji që synon të parandalojë posedimin e këtyre armëve në mënyrë të jashtëligjshme. Policia cdo ditë bën aksione” deklaroi ai.
Në total sipas të dhënave nga Policia e Shtetit janë 103 mijë armë me leje të shënuara në procesverbalet e policisë.
Discussion about this post