Policia ka arrestuar një 30-vjeçar në Durrës, pasi dyshohet se qarkullonte i armatosur dhe mbante armë zjarri pa leje.
I arrestuari është Haki Koka, nipi i ish-ministrit socialist Lefter Koka.
Sipas Policisë, Haki Koka u kap në flagrancë në një apartament me qira në lagjen nr. 11 në Durrës.
Gjatë kontrollit, në çantën e tij marsup u gjet dhe u sekuestrua një armë zjarri tip pistoletë, së bashku me municion luftarak.
Në momentin e ndërhyrjes, në apartament ndodhej edhe një 28-vjeçare, e cila është proceduar penalisht në gjendje të lirë për veprën penale “Moskallëzimi i krimit”.
Discussion about this post