Policia e Elbasanit ka arrestuar një 44-vjeçar nga fshati Dëshiran i Bashkisë Belsh, pasi akuzohet për armëmbajte pa leje dhe kultivim të bimëve narkotike.
Policia njofton se Agron Zdrava u arrestua pas një bashkëpunimi mes forcave “Shqiponja”, policisë së Cërrikut dhe asaj të Elbasanit.
Gjatë kontrollit në banesën e tij, shërbimet e Policisë kanë gjetur dhe sekuestruar katër armë zjarri, një sasi fishekësh dhe lëndë narkotike kanabis gati për shitje. Gjithashtu, në ambientet e jashtme të banesës u gjetën të kultivuar fidanë narkotikë cannabis sativa.
Materialet i kaluan Prokurorisë së Rrethit Gjyqësor Elbasan, për veprime të mëtejshme, për veprat penale “Kultivimi i bimëve narkotike”, “Prodhimi dhe shitja e lëndëve narkotike” dhe “Mbajtja pa leje e armëve dhe municionit luftarak”.
