Një 31-vjeçar është arrestuar nga policia e Elbasanit pasi u kap me armë zjarri. I riu mbante në banesë 1 kallashnikov, 1 pistoletë dhe municion luftarak, të cilat dyshohet se do t’i trafikonte.
Ndërsa një 44-vjeçar u arrestua pasi gjatë një kontrolli në automjetin dhe banesën e tij, policia gjeti dhe sekuestroi në cilësinë e provës materiale 3 armë të ftohta (thika) dhe një sasi lënde narkotike kokainë
“Si rezultat i 2 hetimeve me metoda proaktive, të kryera në bazë të informacioneve nga inteligjenca policore, dhe të ndjekura në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Elbasan, Seksioni për Hetimin e Narkotikëve dhe Trafiqeve të Paligjshme finalizoi brenda 12 orëve, 2 operacione policore.
-Në kuadër të operacionit policor të koduar “First”, u arrestua në flagrancë shtetasi A. M., 31 vjeç, banues në Elbasan, pasi posedonte në banesë, 1 armë zjarri kallashnikov, 1 armë zjarri pistoletë dhe municion luftarak, të cilat dyshohet se do t’i trafikonte;-Në kuadër të operacionit policor të koduar “Second”, u arrestua në flagrancë shtetasi F. B., 44 vjeç, banues në Elbasan, pasi gjatë kontrollit në automjetin dhe në banesën e tij, Policia gjeti dhe sekuestroi 3 thika dhe një sasi kokaine.”- njofton policia.
Discussion about this post