Policia ka arrestuar një 31-vjeçar në Fier si dhe ka proceduar kushëririn e tij 16-vjeçar.
Gjatë kontrollit në banesat e këtyre shtetasve, shërbimet e Policisë gjetën sasi lënde të dyshuar narkotike cannabis sativa, 1 peshore elektronike që dyshohet se shërbente për ndarjen e lëndës narkotike, me qëllim shitjen, 1 armë sportive, 1 armë të ftohtë, 5 krehra dhe 23 fishekë luftarak, të cilat u sekuestruan në cilësinë e provës materiale.
“Finalizohet operacioni policor i koduar “Gorishova”. Sekuestrohen lëndë narkotike, armë sportive, armë e ftohtë dhe fishekë luftarak. Mbanin në banesa armë, municion, lëndë narkotike kanabis dhe mjete për ndarjen e saj me qëllim shitjen, arrestohet në flagrancë 31-vjeçari dhe procedohet në gjendje të lirë, për shkak të moshës, kushëriri i tij.
Në vijim të punës për parandalimin, evidentimin dhe goditjen e veprimtarive kriminale në fushën e narkotikëve, specialistët për Hetimin e Narkotikëve të DVP Fier, me mbështetjen e inteligjencës informative, kanë organizuar dhe finalizuar operacionin policor të koduar “Gorishova”
Si rezultat i këtij operacioni, u arrestua në flagrancë shtetasi A. S., 31 vjeç, banues në Fier dhe u referuan materialet në Prokurori ku nisi procedimi në gjendje të lirë për një 16-vjeçar (kushëri i të arrestuarit).
Gjatë kontrollit në banesat e këtyre shtetasve, shërbimet e Policisë gjetën sasi lënde të dyshuar narkotike cannabis sativa, 1 peshore elektronike që dyshohet se shërbente për ndarjen e lëndës narkotike, me qëllim shitjen, 1 armë sportive, 1 armë të ftohtë, 5 krehra dhe 23 fishekë luftarak, të cilat u sekuestruan në cilësinë e provës materiale.
Materialet procedurale i kaluan Prokurorisë së Rrethit Gjyqësor Fier, për veprime të mëtejshme”, njofton policia.
Discussion about this post