Të shtëna me armë zjarri në Mirditë, qëllohet për vdekje një person (Emri)

Një ngjarje e rëndë është regjistruar mëngjesin e kësaj të hëne në Mirditë, ku një person ka humbur jetën si pasojë e një vrasjeje.

Sipas informacioneve paraprake, ngjarja ka ndodhur në rrugën që të çon drejt Spaçit. Viktima është identifikuar si Valter Lleshi.

Raportohet se Leshi është gjetur pa shenja jete brenda një makine tip ‘Toyota’.

Sakaq mësohet se viktima punonte si shofer në makineritë që u vendos tritol disa muaj më parë.

“Rreth orës 07:10, në fshatin Shkorret, Mirditë, në aksin rrugor Reps–Spaç, është gjetur në automjet, dyshohet i vrarë me armë zjarri, shtetasi V. Ll., rreth 45 vjeç.

Menjëherë pas marrjes së njoftimit, shërbimet e Policisë kanë shkuar në vendngjarje dhe vijojnë kontrollet intensive në zonë për lokalizimin dhe kapjen e autorit/ve.

Ndërkohë, është ngritur një grup i posaçëm hetimor dhe, nën drejtimin e Prokurorisë, po punon intensivisht për fiksimin dhe administrimin e çdo prove që do t’i shërbejë hetimit, me qëllim zbardhjen e plotë të ngjarjes, dokumentimin ligjor të saj, si dhe identifikimin dhe kapjen e autorit/autorëve”, thuhet në njoftimin e policisë.