Kabineti izraelit i sigurisë miratoi marrëveshjen e armëpushimit në Liban. Marrëveshja synon armëpushimin dhe dhënien fund të luftimeve me grupin militant Hezbollah.
Kryeministri izraelit Benjamin Netanyahu, thotë se është krenar për “qëndrueshmërinë” e shfaqur nga izraelitët që jetojnë në veri dhe thotë se Izraeli do t’i kthejë qytetarët e veriut në shtëpi.
Netanyahu thotë gjithashtu se qeveria e tij është e përkushtuar për kthimin e pengjeve të mbetura nga Gaza, ndërsa theksoi se vendi i tij është i përkushtuar të “përfundojë shkatërrimin e Hamasit”.
Ministri i Sigurisë i Izraelit, Itamar Ben-Gvir kundërshton marrëveshjen e propozuar të armëpushimit, duke pretenduar se akti nuk siguron kthimin e izraelitëve në veri të vendit.
Ben-Gvir, një anëtar i ekstremit të djathtë i qeverisë së Netanyahut, tha se ushtria libaneze nuk kishte aftësinë për të kapërcyer Hezbollahun.
Ai këmbëngul se Izraeli “duhet të ketë rripin e sigurisë” për t’u larguar nga Libani.
“Ne nuk duhet t’i besojmë askujt përveç vetes tonë,” theksoi ai.
Duke folur më herët, kryeministri izraelit Benjamin Netanyahu tha se ishte gati të zbatonte një marrëveshje armëpushimi dhe do t’i përgjigjej me forcë çdo shkeljeje nga Hezbollahu.
gijotina.com/
Discussion about this post