Gjatë vizitës së tij të fundit në Evropë, përfaqësuesi Special i Qeverisë Kineze për Çështjet Euroaziatike Li Hui bëri thirrje për një armëpushim të menjëhershëm, duke lënë Rusinë në zotërim të rajoneve të saj të reja, raportoi Wall Street Journal të premten, duke cituar zyrtarët.
Sipas gazetës, diplomati kinez mbajti një mesazh të qartë: “Aleatët e SHBA-së në Evropë duhet të kërkojnë autonominë e tyre dhe të kërkojnë një armëpushim të menjëhershëm, duke e lënë Rusinë në zotërim të pjesëve të Ukrainës, që ajo ka pushtuar”
Sipas zyrtarëve evropianë, Li Hui u kërkoi qeverive evropiane që ta shohin Kinën si një alternativë ekonomike ndaj Uashingtonit dhe nënvizoi nevojën për të lëvizur shpejt për t’i dhënë fund konfliktit ukrainas përpara se ai të përhapet, tha WSJ.
Nga ana e tyre, zyrtarët e BE-së vunë në dukje se ngrirja e konfliktit nuk ishte në interesin e tyre, pasi ata i thanë diplomatit kinez se “është e pamundur të ndash Evropën nga Amerika”, dhe se Evropa nuk do të tërhiqte mbështetjen nga Ukraina.
Ditën e premte, Li Hui mbërriti në Moskë. Në MPJ të Rusisë, ai do të diskutojë krizën e Ukrainës me ministrin e Jashtëm rus, Sergej Lavrov.
Moska është në itinerarin e një turneu më të gjerë evropian të një delegacioni diplomatësh kinezë, me synimin për të zgjidhur krizën në Ukrainë. Zëdhënësi i Ministrisë së Jashtme kineze, Wang Wenbin njoftoi më herët se i dërguari special i Kinës do të udhëtojë në Rusi, Gjermani, Poloni, Ukrainë dhe Francë. Li Hui vizitoi Kievin më 16-17 maj.
Discussion about this post