Kreu i PD-së Sali Berisha gjatë bashkëbisedimit me qytetarët në rrjetet sociale, e cilësoi kryeministrin Edi Rama si tradhtarin kombit shqiptar që i shërben Serbisë dhe bën pazare me Vuçiç. Berisha u shpreh se 45% e shqiptarëve janë larguar nga vendi, teksa Rama ka vendosur sanksione ndaj Kosovës dhe ka denoncuar kryeministra të saj, gjë që tregon se është bashkë me Vuçiç dhe Serbinë.
“Komenti im për Kongresin e Diasporës u bë që ditën që u mblodh. Rama në historinë e këtij kombi në vlerësimin tim pas Enver Hoxhës është armiku më i rrezikshëm i të gjitha kohërave. Rama është faktuar gjatë këtyre viteve të pushtetit si Paniçi, si kryeministri më i mirë i serbëve pas Paniçit për dëmet që i ka bërë popullit shqiptar dhe shërbimit që i ka bërë Serbisë.
Nuk ka armik më të madh sesa një kryeministër që shpopullon kombin, 45% të qytetarëve të larguar. Nuk mund të bësh qëndrim më armiqësor ndaj një kombi sesa të izolosh, të vësh sanksione ndaj qeverisë së Kosovës, të padisësh në gjykatë kryeministrat e Kosovës, rast unik në botë, sesa të bësh pazare me Vuçiçin me territori e Kosovës. Në këtë aspekt Rama meriton atë që meritojnë tradhtarët më të mëdhenj të kombit tonë”, tha Berisha.
Discussion about this post