Bayern Munich mori një fitore të pastër, teksa mposhti me shifrat 3-0 skuadrën e Arminia Bielefeld në takimin e javës së 30-të në Bundesligë.
Skuadra bavareze kaloi që në minutën e 10-të në avantazh me anë të një autogoli, me Laursen që shënoi në portën e tij.
Në minutat shtesë të pjesë së parë skuadra e Nagelsmann dyfishoi rezultatin. Gnabry tundi rrjetën e skuadrës kundërshtare.
Arminia Bielefeld, që kërkonte pikë për mbijetesën, nuk mundi të bënte asgjë përballë kryesuesve të Bundesliga. Ata shënuan edhe golin e tretë në minutën e 85-të të takimit.
Robert Lewandowski nuk shënoi këtë herë, po asistoi për Musiala. Me këtë fitore Bayern vazhdon kryesimin me 72 pikë, ndërsa Arminia Bielefeld mbetet në zonën e rënies në vendin e 17-të me vetëm 26 pikë.
Discussion about this post