Policia e Kosovës ka njoftuar se mbrëmë është arratisur një i burgosur nga Reparti i Psikiatrisë në Spitalin e Gjilanit pasi po trajtohej atje.
I burgosuri me inicialet M. G është i akuzuar për veprën penale “Kanosje”. Ndërkohë policia po punon për kapjen e tij dhe zbardhjen e plotë të rrethanave se si u krye arratisja.
Ndaj zyrtarëve të cilët kanë qenë përgjegjës për mbikëqyrjen e të burgosurit janë marrë procedura disiplinore, ndërsa në bazë të vendimit të komisionit disiplinor ata janë pezulluar nga puna.
Njoftimi i plotë:
Shërbimi Korrektues i Kosovës njofton opinionin publik se mbrëmë nga Spitali Gjilanit-Reparti i Psikiatrisë është arratisur i burgosuri, M.G, i akuzuar për Vepren Penale Kanosje.
SHKK ka informuar menjëherë Policinë e Kosovës dhe gjykatën kompetente, ndërsa ka formuar komision hetimor për të zbardhur rrethanat e arratisjes.
Ndaj zyrtarëve të cilët kanë qenë përgjegjës për mbikëqyrjen e të burgosurit është iniciuar procedura disiplinore, ndërsa, në bazë të vendimit të komisionit disiplinor, ata janë pezulluar nga puna.
Discussion about this post