Një i burgosur me origjinë shqiptare është arratisur ditën e djeshme nga një burg në Greqi, duke alarmuar autoritetet vendase.
Ngjarja ka ndodhur në një nga burgjet rurale të Tiryns, shkruajnë mediat greke, ku shqiptari i burgosur po punonte si punonjës i jashtëm në arat pranë qendrës së paraburgimit, dhe në këtë moment ka përfituar duke u arratisur.
Autoritetet kanë nisur hetimet për arrestimin e tij dhe rrethanat në të cilat ai u arratis. Vlen të theksohet se punonjësit e burgjeve rurale të Tirynit janë ankuar vazhdimisht për mungesën e personelit në IEVP ku ata shërbejnë, dhe kanë kërkuar menjëherë forcimin e tij për ruajtjen më të mirë të të burgosurve.
Discussion about this post