Gjykata e Durrësit ka lënë në burg të arrestuarin Aleks Marku, i cili pak ditë më parë tronditi opinionin public pasi mbajti peng dy fëmijët e mitur, dhe qëlloi me armë në drejtim të policëve.
Seanca gjyqësore është realizuar pa praninë e medias , pasi siç bëhet me dije, Marku ka ‘trauma’ prej tyre në lidhje me titujt e lajmeve në portale apo media të cilat kanë qenë negativiste ndaj tij.
Në një seancë e cila zgjati vetëm pak minuta, 40-vjeçari mësohet se para trupës gjykuese tha se kishte hapur zjarr pasi “po e sulmonin” dhe se brenda në apartament ishin futur njerëz.
Në përfundim gjykata vendosi ta lerë në arrest me burg për tre akuza; armëmbajtje pa leje, shkatërrim prone dhe kundërshtim i forcave të polisië. Akuza e pengmarrjes u hodh poshtë. Gjatë kohës që ndodhi ngjarja, Marku dyshohet se ishte i dehur dhe nën efektin e lëndëve narkotike.
Kujtojmë se Marku nga Lezha është vetëdorëzuar pas rreth 5 orësh negociata me efektivët e repartit RENEA.
Mësohet se policia ka marrë njoftimin rreth orës 02:20 se dëgjoheshin të shtëna me armë zjarri brenda apartamentit të lëshuar me qira, por lirimi dhe dorëzimi i fëmijëve është bërë i mundur vetëm në orën 07:00 të mëngjesit.
Pas vetëdorëzimit ai ka deklaruar: “Qëllova nga dritarja sepse prisja të më sulmonin disa njerëz.”
40-vjeçari mbajti peng për disa orë fëmijët e tij brenda një apartamenti të marrë me qira pranë zonës së Shkëmbit të Kavajës në Durrës.
Discussion about this post