Një ngjarje e pazakontë ka tronditur ambientet e Gjykatës së Lezhës, ku një çift bashkëshortësh është arrestuar drejtëpërdrejt gjatë një seance gjyqësore, lidhur me një vrasje të ndodhur 28 vite më parë, në vitin 1997, në fshatin Rrasfik të Mirditës.
Sipas një njoftimi zyrtar nga Policia e Lezhës, specialistët e Seksionit për Hetimin e Krimeve, në bashkëpunim me Prokurorinë, arrestuan shtetasit:
-
V. P., 53 vjeçe, dhe
-
A. P., 57 vjeç,
banues në Lezhë, për veprën penale “Dëshmia e rreme”.
Sipas autoriteteve, gjatë seancës gjyqësore të zhvilluar dje, çifti ka dhënë deklarata kontradiktore me ato të mëparshmet, duke ngritur dyshime serioze mbi vërtetësinë e rrëfimeve të tyre. Prokuroria dyshon se kjo sjellje mund të ketë pasur ndikim të drejtpërdrejtë në ecurinë e procesit gjyqësor.
Ngjarja lidhet me një vrasje të dyfishtë, ku në vitin 1997, shtetasi Gj. L., vëllai i V. P., vrau me armë zjarri motrën dhe bashkëshortin e saj, pas një konflikti për motive të dobëta. Ai aktualisht vuan një dënim të përjetshëm për veprat penale:
-
“Vrasja me paramendim” dhe
-
“Mbajtja pa leje e armëve dhe municioneve”.
Pas arrestimit të çiftit, materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
Kjo ngjarje hedh dritë mbi kompleksitetin dhe ndërlikimet që shpesh shoqërojnë çështjet e vjetra penale, ku edhe pas dekadash, drejtësia kërkon përgjigje të sakta dhe të vërteta.
Discussion about this post