Arresti kardiak i merr jetën në makinë 72-vjeçares në Tiranë

Arresti kardiak i ka marrë jetën një 72-vjeçareje, e cila ka ndërruar jetë pasditen e sotme në Tiranë. Sipas policisë, ngjarja ka ndodhur në rrugën e “Kavajës”, ku në mjetin që drejtohej nga personi me inicialet Xh. K, ka ndërruar jetë pasagjerja me inicialet, L. R. rreth 72 vjeçe.

Nga këqyrja paraprake nuk janë konstatuar shenja dhune, ndërsa dyshohet se vdekja ka ardhur si pasojë e një arresti kardiak.

Grupi hetimor ndodhet në vendngjarje dhe po punon për sqarimin e rrethanave të ngjarjes.