Ditën e sotme Policia e Sarandës ka arrestuar 4 zyrtarë dhe ish-zyrtarë të kadastrës së Durrësit. Bëhet me dije se një prej të arrestuarve është Andri Dhima. 34 vjeç ish-drejtori i Kadastrës, ndërkohë thekson se dy prej tyre janë arrestuar pikërisht në zyrën ku ishin duke punuar, ndërsa policia është duke kryer kontrolle në shtëpitë e katër të arrestuarve.
Të arrestuarit e tjerë janë V. L., 37 vjeç, banues në Sarandë, me detyrë përgjegjës i Sektorit të Hartografisë, pranë ASHK Sarandë, S. B., 32 vjeç, banues në Sarandë, me detyrë hartograf pranë ASHK Sarandë dhe E. Y., 37 vjeç, banues në Sarandë, me detyrë hartograf pranë ASHK Sarandë.
Gjithashtu u shpall në kërkim 34-vjeçarja K. S., lindur në Sarandë dhe banuese në Bolonja, Itali, me detyrë ish-drejtoreshë e ASHK Sarandë. Sipas Policisë, personat në fjalë jepnin certifikata pronësie për toka në zonën bregdetare të Sarandës.
Pak javë më parë, policia e Sarandës, sërish me urdhër të Prokurorisë së Vlorë, arrestoi shefen e IMT-së, Romina Pulaj me akuzën e shpërdorimit të detyrës pasi sipas prokurorëve kishte lejuar ndërtimin e një pallati pa leje në qytet.
Materialet janë referuar në Prokurorinë pranë Gjykatës së Shkallës së Parë Sarandë, për veprime të mëtejshme.
Discussion about this post