Pas protestës që u zhvillua mbrëmjen e djeshme nga opozita në gjashtë akse kombëtare, policia ka arrestuar tre persona, ka shpallur në kërkim tre të tjerë, si dhe ka bllokuar një makinë.
Ndërsa ka nisur procedimimi në gjendje të lirë për 20 persona mes të cilëve edhe tre deputetë të PD, Qani Xhafa, Tomorr Alizoti dhe Edmond Spaho.
“Ne do t’i sfidojmë. Drejtori i Policisë, Ministri i Brendshëm, a na thoni dot kush janë bandat e Elbasanit, se do t’i themi ne? Ju nuk e dini se familja Pojani ka marrë pjesë në revoltën e Spaçit, revolta më e madhe në epokën antikomuniste, kanë guxuar të heqin flamurin e Enver Hoxhës me yll kur ai ishte gjallë. Kështu që nuk e trembin dot këta lafarakët. Unë ju falënderoj dhe u kërkoj demokratëve, rezistoni. Kur regjimet janë të frikësuara, bëjnë presion kur regjimet nuk kanë më politikë, prodhojnë polici dhe kur dhuna është prezente, shteti është në kulmin e tij të dobësisë”, tha Alizoti.
Discussion about this post