Një ngjarje e rëndë ka ndodhur në Tiranë, ku dy pronarë biznesesh kanë kanosur dhe rrëmbyer një kliente, në një dyqan elektroshtëpiakesh në zonën e Ish-Doganës. Ata e kanë kërcënuar, i kanë hequr lirinë duke e mbajtur kundër vullnetit të saj në ambientet e subjektit dhe kanë ushtruar dhunë fizike ndaj saj.
Gjatë ndërhyrjes së shërbimeve të Policisë, ata kanë kundërshtuar me forcë punonjësit e Policisë dhe kanë goditur efektivin, duke i shkaktuar dëmtime të lehta. Policia po heton më shumë mbi rastin.
Njoftimi
Kanosën, privuan lirinë e një klienteje dhe kundërshtuan e goditën punonjësit e Policisë gjatë kryerjes së detyrës, vihen në pranga 2 shtetas, pronarë të një dyqani. Shërbimet e Komisariatit të Policisë Nr. 6 arrestuan në flagrancë shtetasit S. A., 63 vjeç, dhe E. H., 41 vjeçe, pasi dyshohet se, gjatë një konflikti për motive të dobëta me një kliente në një dyqan elektroshtëpiakesh në zonën e Ish-Doganës, e kanë kanosur, i kanë hequr lirinë duke e mbajtur kundër vullnetit të saj në ambientet e subjektit dhe kanë ushtruar dhunë fizike ndaj saj. Gjatë ndërhyrjes së shërbimeve të Policisë, këta shtetas kanë kundërshtuar me forcë punonjësit e Policisë, ndërsa shtetasja E. H. dyshohet se ka goditur për shkak të detyrës një punonjës policie, duke i shkaktuar dëmtime të lehta. Materialet procedurale iu referuan Prokurorisë, për veprime të mëtejshme, për të dyja rastet.
gijotina.com/
Discussion about this post