Ish-kryeministri Sali Berisha ka reaguar në lidhje me arrestimin e tre policëve të Kosovës nga pala serbe.
Berisha shprehet se akti është terrorist dhe se është urdhëruar nga ana e Aleksandar Vuçiç, të cilin e cilëson “Putini i vogël”. Sipas Berishës, ndërkombëtarët duhet të reagojnë urgjentisht në lidhje me rastin e paprecedent.
Postimi i Berishës:
Akt terrorist i urdhëruar direkt nga Putini i vogël.
Ky është momenti kur grupi terrorist ushtarak serb rrëmben në territorin e Kosovës, në veri, tre policë shqiptarë që kryenin detyrën.
Dënoj me forcën më të madhe këtë akt terrorist, kriminal të falangave të Vuçiç dhe i bëjë thirrje komunitetit ndërkomëtar të dënojë me forcën me të madhe këtë akt terrorist luftënxitës të ish Millosheviçit të ri Aleksandër Vuçiç.
Discussion about this post