Ministri i Punëve të Brendshme dhe Administratës Publike, Xhelal Sveçla ka reaguar pas aksionit të sotëm në Kompaninë e Pastrimit “Ambienti” në Pejë, ku sipas informatave të para 9 persona janë shoqëruar në Polici.
Sveçla në një shkrim në Facebook ka thënë se “epoka e tolerimit të keqpërdorimit të detyrës zyrtare dhe pasurimit në kurriz të qytetarëve ka përfunduar.”
“Vendi ynë nuk do të jetë më zonë e rehatisë për asnjë individ apo grup që cënon jetën dhe mirëqenien e qytetarëve tanë e sigurinë e vendit tonë.
Secili kryes i çdo lloj aktiviteti ilegal do të ballafaqohet me drejtësinë.” – ka shkruar ndër të tjera ai.
Shkrimi i plotë:
Epoka e tolerimit të keqpërdorimit të detyrës zyrtare dhe pasurimit në kurriz të qytetarëve ka përfunduar.
Njësiti policor kundër krimeve ekonomike sot ka zhvilluar operacion në Kompaninë e Pastrimit “Ambienti” në Pejë.
Bordi i kësaj ndërmarrje publike dhe zyrtarë të tjerë janë subjekt i hetimit për keqpërdorim të detyrës zyrtare dhe si çdo kush tjetër, do të japin llogari para drejtësisë për çdo keqpërdorim dhe dëm të shkaktuar.
Vendi ynë nuk do të jetë më zonë e rehatisë për asnjë individ apo grup që cënon jetën dhe mirëqenien e qytetarëve tanë e sigurinë e vendit tonë. Secili kryes i çdo lloj aktiviteti ilegal do të ballafaqohet me drejtësinë.
https://www.facebook.com/permalink.php?story_fbid=642421167894163&id=100063788556625
Discussion about this post