Kryetari i Prishtinës Shpend Ahmeti ka reaguar në lidhje me arrestimin e Afrim Toverlanit.
Ahmeti thotë se nuk ka pasur ballafaqim fizik me Toverlanin pasi nuk ka qenë në shtëpi në momentin kur ka ardhur ky i fundit.
Megjithatë Ahmeti nuk e ka konsideruar veprim të mirë të Toveralinit shkuarjen në shtëpi të tij kur ai nuk ka qenë prezentë në të.
“Falemnderit të gjithëve për pyetjet e kujdesin. I pash edhe titujt ne portale. Nuk ka pas kurrfarë ballafaqimi fizik e as luftë më thika. Afrimin e njoh moti dhe e kam mik. Ka qenë mbrëmë të shtëpia kur nuk kam qenë unë dhe e ka thirr vetë policinë e cila me të arritur e ka arrestuar. Nuk ndihem as i kërcënuar e as i rrezikuar nga Afrimi edhe pse vizitat e vona në shtëpi kur nuk jam prezent dhe me fëmijë të mitur prezent nuk janë të mirëseardhura. Mirëpo, nuk ka pas as fjalosje e as ndonjë fjalë të rëndë me fëmijët dhe familjen. Shpresoj që këtë incident Afrimi ta sqaroj e kaloj sa më lehtë me organet e rendit. Duke e pas mik qe një kohë të gjatë nuk besoj që ka pas qëllim të sulmit apo kërcënimit”, ka shkruar Ahmeti.
Nëpër media qarkulloi lajmi se Toverlani ka kërcënuar me thikë kryetarin e Prishtinës,. E për këtë arsye ra në prangat e policisë. Sakaq me sqarimin e situatës nga vetë Ahmeti, pritet që Toverlani t ë lirohet nga burgu.
