Arrestimi i Agasit/ A ishte ndërhyrje e Ballukut kunder Ramës? Berisha: Nuk përjashtohet, janë fole intrigash

Kreu i PD, Sali Berisha nuk e përjashton mundësinë që në arrestimin e Ergys Agasit të jetë e përfshirë edhe Belinda Balluku.

Megjithatë, Berisha tha se elementët që lidhen me mënyrën se si Agasi u arrestua e bëjnë më të besueshme tezën e një marrëveshjeje të mundshme.

Sipas kreut të PD, nëse Balluku do te kete ndikuar në arrestimin e Agasit, kjo ‘shtrinte lakun e saj jo vetëm në fytin e Edi Ramës, por edhe në fytin e Linda Ramës’.

“Në këtë kuadër, a ka mundësi të jetë një ndërhyrje e Ballukut kundër Ramës? Nuk përjashtohet, por ç’është e vërteta ajo që më prish punë në të gjithë këtë, nallanet dhe pantallonat e shkurtra flasin më shumë për tezën e parë.

Mundet pa diskutim që ndikimi i Lubisë tek drejtori aktual i përgjithshëm është patologjik dhe të kenë vepruar.

Çfarë do t’i sillte Lubisë kjo tani në qoftë se ka bërë? Kjo shtrinte lakun e saj jo vetëm në fytin e Edi Ramës, por edhe në fytin e Linda Ramës.

Kështu që, një siguri ia jepte edhe më të madhe Lubisë që në qoftë se ti nuk heq dorë ose në qoftë se ti lëkundesh në mbrojtje ndaj saj, ndaj Lubisë, atëherë nuk do jesh vetëm ti që do shkosh me Lubinë, por do jetë edhe Linda, patronazhistja e AKSHI-t që do të ndjekë nga mbrapa. Në pallatet e krimit nuk ka intrigë që nuk mund të përfytyrohet”, tha Kreu i PD.

Berisha tha se Ergys Agasi ka disponuar informacione të pakufishme. Sipas Berishës ka qenë një rrezik edhe për NATO-n.

“Agasi ka qenë një rrezik për NATO-n. Agasi të gjitha të dhënat e sistemit TIMS, ua ka dhënë armiqve të NATO-s dhe kartelit të Troplinëve, midis të tjerash. Ndaj, edhe njëherë thirrja ime për organizatat ndërkombëtare, Europolin, Eurojustin, por edhe agjencitë e zbatimit të ligjit të vendeve partnere, të angazhohen në monitorimin dhe ridimensionimin e e hetimit për Ergys Agasin që është vetë Edi Rama, që ka vepruar në emër të Edi Ramës, që ka në kontroll të plotë Edi Ramën.

Dhe e mbyll këtë me thirrjen për dorëheqje urgjente të Edi Ramës, pasi nuk është gjë tjetër, veçse një Agas në karrigen e kryeministrit,” tha Berisha