Gazetari Blendi Fevziu në një intervistë për Klan Neës u shpreh se mënyra se si Arben Ahmetaj është larguar të bën të dyshosh se ai nuk do të kthehet të përballet me drejtësinë.
Fevziu tha se mazhoranca e lëshoi Arben Ahmetajn duke miratuar kërkesën e SPAK për arrestimin e tij.
“Besoj se të hënën në orën 17:00 do të jetë seanca plenare për heqjen e imunitetit të Ahmetajt. Mesa duket do të jetë një seancë e posacme, pra do të paraprihet nga shyqrtimi i raportit. Nuk besoj se do të ketë surpriza. Mazhoranca e ka bërë një hap, le të themi e “ka lëshuar Ahmetajn” që nga deklaratat e famshme të Ramës që “kush ka probleme, të marrë avokatë sepse nuk mund të gjejë mbrojtje në PS”. Nuk pritet të ketë surpiza në këtë drejtim. Pyetja e vetme që shtrohet është nëse Ahmetaj vetë do të jetë i pranishëm apo jo”, tha fevziu.
Në vijim ai shtoi se me siguri do të ketë edhe persona të tjerë të përfshirë dhe ka një sërë radhësh, dhe radha e parë lidhet me faktin se a do të vazhdojë më kjo kontratë, nëse verifikohet se është lidhur në kushte korruptive, atëherë duhet parë prishja e kontratës.
“Përgjegjësi politike ka, bëhet fjalë për një kontratë që është miratuar nga qeveria, por njerëzit që kanë prodhuar probleme mbajnë përgjegjësi individuale. Nëse Ahmetaj do të pasohet me ndonjë ish-ministër tjetër, ose në nivele më të larta, çështja do të jetë problematike.
Mesa nuhas, raportet e Ahmetajt me Ramën janë thyer më herët. Edhe në “Opinion” disa muaj më parë, Ahmetaj i ka dhënë mesazhet kryesore Ramës.
I tha që “kryeministri të bëjë kryeministrin”. Nuk kishte gazetar që merret me kronikën që nuk e dinte që diçka do të ndodhte me Ahmetajn. Nuk është kaq sekret, nuk erdhi papritur. Ahmetaj mund të largohej derisa të hiqej imuniteti. Kjo është çështje e vullnetit nëse do të përballet me drejtësinë apo jo. Nëse Ahmetaj nuk paraqitet në gjykatë, e rëndon politikisht çështjen e iniceneratorëve”, shtoi ai.
Discussion about this post