Kreu i PBDNJ, Vangjel Dule, tha në emisionin “Open” se me arrestimin e Fredi Belerit duhej të intimidonin dhe të frikësonin zgjedhësit në Himarë dhe arrestimi i tij do të pengonte fitoren e kandidatit tonë për kryebashkiak.
Dule tha se për arrestimin e Belerit u përdor një person, i cili është dënuar për mashtrim vite më parë, ndërsa nuk ka prova dhe fakte për akuzat që i kanë ngritur.
“Beleri u arrestua jashtë lokalit të tij, ishte me avokatin dhe me kushëririn e tij, ndërsa u tha se u kap në kushte flagrance. Atëherë kujt po i a blinte Beleri votën, avokatit apo kushëririt? Ndaj dhe ne themi që nuk ka prova dhe arrestimi në kushte flagrance nuk ekziston”, tha Dule.
Sipas tij, për të arrestuar Belerin janë përfshirë 14 punonjës policie në aktet e përgjimeve, madje është përgjuar jo vetëm kandidati i koalicionit “Bashkë Fitojmë”, por edhe shumë banorë të Himarës.
Discussion about this post