Genc Gjokutaj, avokati i ish-Kryeministrit Sali Berisha, u shpreh se Gjykata Kushtetuese sot ka bërë një gafë juridike, një vetëvrasje teksa e quan unikale në histori që Gjykata Kushtetuese jep një vendim anti-kushtetues.
Reagimi ka ardhur pasi Kushtetuesja rrëzoi kërkesën e firmosur nga 30 deputetë të opozitës, që kërkonin një interpretim mbi nenin 73 të Kushtetutës, lidhur me rastet kur SPAK mund të kërkonte kufizimin e të drejtave të deputetëve, pa qenë e nevojshme të kërkojë autorizim nga Parlamenti. Gjithçka nisi lidhur me rastin e ish-Kryeministrit Sali Berisha, ndaj të cilit u caktuan fillimisht dy masa sigurie, “detyrim paraqitje” dhe “ndalim të daljes jashtë shtetit” pa marrë më parë një autorizim nga Kuvendi.
Duke qenë se Berisha nuk respektoi masën e “detyrimit të paraqitjes”, SPAK kërkoi nga Kuvendi një ashpërsim të masave të sigurisë (arrest shtëpie ose arrest me burg), ndërsa Këshilli Mandateve miratoi kërkesën me votat e 5 deputetëve të PS dhe atë të Enkelejd Alibeajt nga grupimi i Lulzim Bashës, ndërkohë që nesër në seancë pritet të votohet raporti.
I pranishëm në “Task Force”, Gjokutaj tha se ne e ngritëm me forcë që Kuvendi ta shtynte seancën ose ta pezullonte deri sa Gjykata Kushtetuese të shprehet në lidhje me këtë argument, por sigurisht që ne në atë moment nuk mund të hipotezonim që Gjykata Kushtetuese sot, biles është bërë edhe një kërkesë nga deputetetë për përshpejtim të gjykimit të çështjes pasi me ezaurimin nga Parlamenti, ezaurohej kërkesa e pagjykuar, kështu që ata e rrëzuan siç jeni në dijeni.
“Por sigurisht neve ishim të bindur në kërkimin tonë dhe jo vetëm për legjitimimin që Gjykata Kushtetuese sot ka bërë një gafë juridike, është një vëtëvrasje që ka bërë Gjykata Kushtetuese, pra, është unikale në histori që Gjykata Kushtetuese jep një vendim anti-kushtetues.
Pjesa e fundit e materialit të Gjykatës Kushtetuese thotë “Për rrjedhojë, kërkuesi i grupit të deputetëve nuk legjitimohet ti drejtohet Gjykatës pasi referuar mosmarrëveshjes së pretenduar të kopetencave, ai nuk është subjekt në konflikt, pra nuk rezulton që të jetë marrë ndonjë kopetencë apo të jetë cënuar drejtpërdrejt në kopetencë”.
Discussion about this post