Avokati Sokol Hazizaj u shpreh mbrëmjen e sotme në emisionin “Open” se masa e sigurisë arrest me burg për Vangjush Dakon është e tepërt nëse ai akuzohet për shpërdorim detyre, sikundër po raportohet nga mediat.
Hazizaj tha se kjo vepër penale, aq më tepër kur është kryer kohë më parë, nuk justifikon vendimin e GJKKO për masën e sigurisë.
“Ndoshta ndaj ish-Kryebashkiakut mund të ngrihet një akuzë edhe më e rëndë, por mendoj se akuza që i kanë ngritur sot, sipas asaj që raportohet në media, nuk justifikon masën e sigurisë me burg, aq më tepër kur vepra dyshohet të jetë kryer vite përpara”, tha Hazizaj.
I pyetur se sa mund të dënohet Dako nëse shpallet fajtor, Hazizaj tha se maksimumi i veprës penale është 7 vite burg.
Discussion about this post