Policia e Tiranës ka arrestuar ditën e djeshme këngëtaren Ruenca Haxhiaj, e njohur në fushën e muzikës si Enca.
Ka qënë komisariati nr.1 që pasi mori informacione për kultivim kanabisi në vazo lulesh, ushtroi kontroll në vilën e Haxhiajt në Lundër ku i gjeti disa vazo të mbjella me kanabis.
Rreth kësaj teme, Arben Hajdarmataj, ish-drejtuesi i Policisë, u shpreh se arrestimi i këngëtares u përdor nga policia e shtetit si një armë mediatike për të bërë show.
“Ato pesë bimë tani do të thosha që janë një armë mediatike që po përdor policia e shtetit dhe aq më tepër edhe mediat pranë qeverisë për të bërë show, siç është edhe vajza e showbizit, për pesë bimë që kanë gjetur në ballkonin e këngëtares.
Ne fatkeqësisht jemi mësuar që të dëgjojmë lajme për përdorimin e lëndëve narkotike te adoleshentët madje do të thoja që mosha para-adoleshente po përdorin lëndë narkotike.
Ky është shqetësimi kryesor që ne si qytetarë dhe çdo prind që çon fëmijët në shkollë ka, pasi fëmija e tij mos mplekset më fëmijët të tjerë që e konsumojnë këtë lëndë narkotike.
Realisht këto pesë bimë në këtë ballkon nuk do të thonë asgjë, pas i kemi parë operacionet e policisë së shtetit sidomos në qytetet veriore, në territore të hapura, por nuk kemi parë operacione të tilla në ambjente të mbyllura”, u shpreh ai.
Discussion about this post