Nga Derviçani, ku ishte i pranishëm në kuadër të festimeve për Javën e Kulturës Greke, konsulli grek në Gjirokastër, Dimitrios Sacharidis reagoi për arrestimin e kryebashkiakut të zgjedhur të Himarës, Fredi Beleri.
Ai tha se Himara dhe njerëzit e tyre po kalojnë momente të vështira.
“Jemi sot në këtë event që zhvillohet në një situatë jo të zakonshme. Dy nga patriotët tanë, Fredi Bejleri dhe Panajot Kokaveshi janë të burgosur. Njëri sikurse e dini, ka edhe probleme serioze me shëndetin. Në këto ditë, gjithçka tjetër mendojmë, përveçse festimeve. Ndaj dhe sivjet organizimet janë më të kufizuara, krahasuar me vitin e kaluar. Në këto orë të vështira, mendimi ynë është me njerëzit tanë, që po jetojnë këtë situatë dhe me familjet e tyre”, -tha konsulli grek në Gjirokastër.
Discussion about this post