Kryeministri Edi Rama komentoi për herë parë për çështjen e arrestimit të Ilir Metës, duke thënë se i takon drejtësisë. Gjatë një konference për mediat me Presidenten e Komisionit Europian, Ursula von der Leyen, Rama nuk pranoi të komentonte më tej.
“As unë dhe as forca politike që unë udhëheq, nuk bëjnë komente për çështje që i takojnë drejtësisë, Kur ndodh që çështjet të përmbyllen, mbase në ndonjë rast ia vlen që të bëhet ndonjë koment, sidomos kur vihet në vend drejtësia për fenomene katastrofike për shoqërinë, siç është shpifja. Për rastin konkret është tipikisht një rast që i takon drejtësisë”, tha kryeministri.
Ndërsa Von der Leyen shtoi: “Nuk do të bëj komente për procedime gjyqësore. Ne bashkëpunojmë me Shqipërinë për reformën gjyqësore, por kjo nuk ka të bëjë me raste individuale”.
Ish-kryetarja e LSI-së Monika Kryemadhi dhe personazhe të rëndësishme të Partisë së Lirisë kanë deklaruar se arrestimi i Metës është politik, duke ngritur gishtin e akuzës nga kryeministri Edi Rama, njëkohësisht kundërshtar politik i Ilir Metës.
Discussion about this post